វិទ្យាស្ថាន អប់រំអន្តរជាតិ International Education Institute: International Studies

អារម្ភកថា

ចំពោះការផ្សព្វផ្សាយឯកសារបកប្រែ

គោលបំណងចំបងនៃវិទ្យាស្ថានអ៊ីនធឺរេដនោះគឺ ការរួមចំណែកក្នុងការអភិវឌ្ឍធនធានមនុស្សនៅកម្ពុជា ឱ្យមានសមត្ថភាពប្រកួតប្រជែងខ្ពស់។ ដើម្បីធ្វើឱ្យសម្រេចគោលបំណងនេះ បេសកកម្មរបស់យើងផ្តោតលើ :

១-ការបណ្តុះបណ្តាលនិស្សិតឧត្តមសិក្សា និងក្រោយឧត្តមសិក្សា ឱ្យមានគុណភាពខ្ពស់ តាមមុខជំនាញវិជ្ជាជីវៈ ដែលឆ្លើយតបនឹងតម្រូវការទីផ្សារបច្ចុប្បន្ន ដោយរក្សានូវទំនាក់ទំនងយ៉ាងជិតសិ្នទ្ធ រវាងការបង្រៀន, ការស្រាវជ្រាវ និងទស្សនកិច្ចសិក្សា។

២-ការបង្កើនការស្រាវជ្រាវលើបញ្ហាដែលលេចធ្លោ និងការផ្សព្វផ្សាយលទ្ធផលនៃការរកឃើញថ្មីៗ។

៣-ការបកប្រែ និងផ្សព្វផ្សាយឯកសារសំខាន់ៗ។

៤-ការរៀបចំសិក្ខាសាលា និងសន្និសីទវិទ្យាសាស្រ្ត។

៥-ការស្ថាបនាទំនាក់ទំនងសហប្រតិបត្តិការ ជាមួយស្ថាប័នជាតិ និងអន្តរជាតិ។

ការបកប្រែ និងផ្សព្វផ្សាយឯកសារខាងក្រោមនេះគឺជាការរួមចំណែកបង្កើនការយល់ដឹងអំពីអាស៊ាន នៅពេលដែលអាស៊ានកំពុងបោះជំហានពីសមាគម ទៅកាន់សហគមន៍សេដ្ឋកិច្ច នៅឆ្នាំ២០១៥ខាងមុខ។

រាជធានីភ្នំពេញ ថ្ងៃទី២០ ខែសីហា ឆ្នាំ២០១២

អ្នកផ្សព្វផ្សាយ

សាស្រ្តាចារ្យបណ្ឌិត ស៊ន សំណាង

អត្ថបទទី ១

អាស៊ានពី៥ ទៅ១០ប្រទេស

ASEAN from 5 to 10 Member Countries

ប្រមូលនិងប្រែសម្រួលដោយ លោក ស៊ន សុភា

សាស្រ្តាចារ្យភាសាអង់គ្លេស នៃវិទ្យាស្ថានអ៊ីនធឺរេដ

Compiled and translated by Mr. Sorn Sophea

Lecturer of English, InterEd Institute

សមាគមប្រជាជាតិអាស៊ីអគ្នេយ៍ ហៅកាត់ថាអាស៊ាន ត្រូវបានបង្កើតឡើងនៅឆ្នាំ១៩៦៧ ដែលមានប្រទេសជាសមាជិកស្ថាបនិកចំនួនប្រាំ។ ប្រទេសដទៃទៀតនៅក្នុងតំបន់នេះបានចូលជាសមាជិកជាបន្តបន្ទាប់ ហើយអាស៊ានមានសមាជិក១០ប្រទេស នៅឆ្នាំ ១៩៩៩។ ខាងក្រោមនេះ គឺជាដំណាក់កាលទាំងប្រាំ នៃដំណើរការបង្កើតអាស៊ាន។

១-អាស៊ាន ៥ ប្រទេស

នៅថ្ងៃទី៨ ខែសីហា ឆ្នាំ១៩៦៧ មេដឹកនាំប្រាំរូបរួមមាន រដ្ឋមន្រ្តីក្រសួងការបរទេស

ឥណ្ឌូនេស៊ី, ម៉ាឡេស៊ី, ហ្វីលីពីន, សឹង្ហបុរី និងថៃ បានអង្គុយជាមួយគ្នាក្នុងបន្ទប់ប្រជុំធំនៃអគារ

ក្រសួងការបរទេស នាទីក្រុងបាងកក ប្រទេសថៃ និងបានចុះហត្ថលេខាលើឯកសារមួយ។

ដោយសារឯកសារនោះ សមាគមប្រជាជាតិអាស៊ីអគ្នេយ៍បានចាប់បដិសន្ឋិឡើង។

រដ្ឋមន្រ្តីការបរទេសទាំងប្រាំរូបដែលបានចុះហត្ថលេខាលើឯកសារនោះ មានលោក Adam

Malik នៃប្រទេសឥណ្ឌូនេស៊ី, លោក Narciso R. Ramos នៃប្រទេសហ្វីលីពីន, លោក Tun

Abdul Razak នៃប្រទេសម៉ាឡេស៊ី, លោក S. Rajaratnam នៃប្រទេសសឹង្ហបុរី និងលោក

Thanat Khoman នៃប្រទេសថៃ។

គេបានចាត់ទុករដ្ឋមន្រ្តីទាំងប្រាំរូបនោះថាជាស្ថាបនិក នៃអង្គការអន្តររដ្ឋាភិបាលមួយ

ដែលហាក់ដូចជាបានទទួលនូវជោគជ័យធំជាងគេបំផុត នៅក្នុងពិភពនៃប្រទេសកំពុងអភិវឌ្ឍ

នាពេលបច្ចុប្បន្ននេះ។

ចំណែកឯឯកសារដែលពួកគេបានចុះហត្ថលេខានោះ ត្រូវបានគេស្គាល់ថាជា សេចក្តី

ថ្លែងការណ៍របស់អាស៊ាន (The ASEAN Declaration) ។

Bangkok, 8 August 1967 (http://www.aseansec.org)

២-អាស៊ាន ៦ ប្រទេស

ប្រទេសប្រ៊ុយណេ ដារូសាឡាម (Brunei Darussalam) ក្លាយជារដ្ឋសមាជិកទី៦

របស់អាស៊ាន។ សេចក្តីថ្លែងការណ៍នៃការចូលជាសមាជិករបស់ប្រទេសប្រ៊ុយណេ ដារូសាឡាម ទៅក្នុងអាស៊ាន បានធ្វើឡើងនៅទីក្រុងហ្សាកាតា(Jakarta) នៃប្រទេសឥណ្ឌូនេស៊ី ថ្ងៃទី៧ ខែមករា ឆ្នាំ១៩៨៤។

The Admission of Brunei Darussalam (1984)

រូបថត ថតក្នុងពេលចូលជាសមាជិករបស់ប្រទេសប្រ៊ុយណេ

៣-អាស៊ាន ៧ ប្រទេស

សាធារណរដ្ឋសង្គមនិយមវៀតណាម ក្លាយជារដ្ឋសមាជិកទី៧របស់អាស៊ាន។

សេចក្តីថ្លែងការណ៍ស្តីពីការចូលជាសមាជិក (Declaration on the Admission) បានធ្វើឡើងនៅប្រទេសប្រ៊ុយណេ នៅថ្ងៃទី ២៨ ខែកក្កដា ឆ្នាំ១៩៩៥។

The Admission of Vietnam (1995)

រូបថត ថតក្នុងពេលចូលជាសមាជិករបស់ប្រទេសវៀតណាម

៤-អាស៊ាន ៩ ប្រទេស

សាធារណរដ្ឋប្រជាធិបតេយ្យប្រជាមានិតឡាវ និងសហភាពមីយ៉ាន់ម៉ា ក្លាយជារដ្ឋសមាជិកអាស៊ានក្នុងពេលជាមួយគ្នា។ សេចក្តីថ្លែងការណ៍ស្តីពីការចូលជាសមាជិកនេះ បានធ្វើឡើងនៅប្រទេសម៉ាឡេស៊ី ថ្ងៃទី២៣ ខែកក្កដា ឆ្នាំ១៩៩៧។

The Admission of Laos and Myanmar (1997)

រូបថត ថតក្នុងពេលចូលជាសមាជិករបស់ប្រទេសឡាវ និងមីយ៉ាន់ម៉ា

៥-អាស៊ាន ១០ ប្រទេស

សេចក្តីសម្រេចស្តីពីការដាក់បញ្ចូលប្រទេសកម្ពុជា ឡាវ និងមីយ៉ាន់ម៉ា ជាសមាជិក

ពេញសិទ្ធិ របស់អាស៊ាន ត្រូវបានធ្វើឡើងដោយប្រមុខរដ្ឋ និងប្រមុខរដ្ឋាភិបាលអាស៊ាន នៅឯកិច្ចប្រជុំកំពូល លើកទី៥ នាទីក្រុងបាងកក នៅខែធ្នូ ឆ្នាំ១៩៩៥។

ដោយគោរពទៅតាមសេចក្តីសម្រេច នៃកិច្ចប្រជុំពិសេស របស់រដ្ឋមន្រ្តីការបរទេស អាស៊ាន ថ្ងៃទី៣១ ឧសភា ១៩៩៧ នៅទីក្រុងគូឡាឡាំពួរនោះ ពួកគេបានឯកភាពឱ្យ

ប្រទេសឡាវ និងមីយ៉ាន់ម៉ា ចូលជាសមាជិករបស់អាស៊ាន ទៅតាមការគ្រោងទុក។

ចំពោះប្រទេសកម្ពុជាវិញ បន្ទាប់ពីព្រឹត្តិការណ៍ ថ្ងៃទី៥-៦ កក្កដា ១៩៩៧ នៅទីក្រុងភ្នំពេញភ្លាម កិច្ចប្រជុំពិសេសមួយ របស់រដ្ឋមន្រ្តីការបរទេសអាស៊ាន បានប្រព្រឹត្តទៅនៅទីក្រុងគូឡាឡាំពួរ ប្រទេសម៉ាឡេស៊ី ថ្ងៃទី១០ ខែកក្កដា ឆ្នាំ១៩៩៧។

ខណៈដែលមានការអះអាងជាថ្មី អំពីការប្តេជ្ញាថាគោរពតាមគោលការណ៍មិន

ជ្រៀតជ្រែក ទៅក្នុងកិច្ចការផ្ទៃក្នុង របស់រដ្ឋសមាជិកដទៃនោះ រដ្ឋមន្រ្តីការបរទេសអាស៊ាន បានសម្រេចពន្យារការចូលជាសមាជិករបស់កម្ពុជាទៅក្នុងអាស៊ាន ទៅថ្ងៃក្រោយ។

សេចក្តីថ្លែងការណ៍ស្តីពីការចូលជាសមាជិករបស់ព្រះរាជាណាចក្រកម្ពុជា ទៅក្នុងសមាគមប្រជាជាតិអាស៊ីអគ្នេយ៍ បានធ្វើឡើងនៅទីក្រុងហាណូយ ប្រទេសវៀតណាម នៅថ្ងៃទី៣០ ខែមេសា ឆ្នាំ១៩៩៩។